بھارتی محکمہ موسمیات نے کیرالا میں مانسون کی آمد کے ساتھ ہی ریاست میں موسم باراں کے آغاز کا اعلان کیا ہے۔
گذشتہ سال ماسون 8 جون کو کیرالہ پہنچا تھا لیکن اس بار ایک ہفتہ قبل ہی مانسون نے دستک دی ہے۔
کیرالہ کے مختلف علاقوں میں زبردست بارش کا سلسلہ جاری ہے جس کی وجہ سے درجہ حرارت میں کافی حد تک کمی آئی ہے اور تروواننت پورم میں دن کا درجہ حرارت 25 ڈگری سے کم ہوگیا ہے۔
ڈائرکٹر جنرل آئی ایم ڈی مرتیونجے موہاپاترا کے بیان کے مطاق ’جنوب مغربی مانسون آج، یکم جون 2020 کو کیرالہ میں داخل ہوگیا‘۔
جون سے ستمبر تک جاری رہنے والے مانسون موسم کےدوران ملک میں 75 فیصد بارش ہوتی ہے۔
قبل ازیں اسکائمٹ نے 30 مئی کو ہی مانسون کی آمد کی اطلاع دی تھی لیکن بھارتی محکمہ موسمیات نے اس کی تردید کی۔
