کیرالہ کے ضلع اِڈوکی کے مولاموٹم میں جھگڑے میں ایک شخص کو گولی مار کر ہلاک کر دیا گیا جب کہ دوسرا شدید زخمی ہو گیا۔ متوفی کی شناخت سنل سابو کے طور پر ہوئی ہے جو کیریتھوڈ کا رہنے والا ہے۔ اس کا دوست پردیپ جو مولا موٹم سے ہے، کو شدید زخمی حالت میں تھڈوپوزا کے ایک نجی ہسپتال میں داخل کرایا گیا ہے۔ اس معاملے میں پولیس نے فلپ مارٹن نامی شخص کو بندوق کے ساتھ گرفتار کیا ہے جو کہ مولا موٹم کا ہی رہنے والا ہے۔ Man Shot Dead in Idukki After Altercation
یہ واقعہ کل 26 مارچ کی رات 10 بجے مولا موٹم ہائی اسکول کے سامنے پیش آیا۔ مقامی لوگوں کے مطابق فائرنگ اشوک جنکشن پر فوڈ کارٹ میں جھگڑے کے دوران ہوئی۔ جھگڑے کے دوران فلپ مارٹن نے کار سے ہتھیار لیا اور وہاں موجود لوگوں کو نشانہ بناتے ہوئے فائرنگ شروع کر دی لیکن وہاں کوئی زخمی نہیں ہوا۔ اس کے بعد فلپ مارٹن اپنی کار میں جائے وقوع سے فرار ہو گیا اور تھوڈپوزا کی جانب بڑھ گیا۔ راستے میں اس کی کار اس بائک سے ٹکرا گئی جس پر پردیپ اور سنل سوار تھے اور ایک بار پھر جھگڑا شروع ہوا اور فلپ مارٹن نے دونوں پر فائرنگ کردی۔
