عائشہ نے نیٹ امتحان میں کیرالہ میں اول مقام حاصل کیا

کیرالا کے کوزی کوڈ سے تعلق رکھنے والی عائشہ نے نیٹ امتحان میں کیرالہ میں پہلا جبکہ پورے بھارت میں 12 واں مقام حاصل کرکے اپنی ریاست کا نام روشن کیا ہے۔ ان کی اس کامیابی پر مبارک باد دینے والوں کا سلسلہ جاری ہے۔یاد رہے کہ اوڑیشہ کے شعیب آفتاب نے نیٹ میں صد فیصد نمبر لاکر پورے ملک میں اول مقام حاصل کیا ہے۔

نیشنل ٹیسٹنگ ایجنسی نے نیٹ امتحانات کے نتائج کا اعلان کردیا ہے۔اس امتحان میں کوزی کوڈ سے تعلق رکھنے والی عائشہ نے کیرالا میں پہلا مقام حاصل کیا ہے۔

عائشہ نے ترواننور ہائی اسکول سے اپنی دسویں جماعت کی تعلیم مکمل کی ہے اور کوئیلینڈی ہائر سکینڈری سے بارہویں جماعت کی تعلیم مکمل کی ہے۔

عائشہ نے جہاں پورے کیرالا میں پہلا مقام حاصل کرکے کیرالا کا نام روشن کیا ہے وہیں انہوں نے پورے بھارت میں بارہویں پوزیشن حاصل کی ہے۔

عائشہ کے علاوہ کیرالا کے تین دیگر طلبہ نے نیٹ امتحانات کے ٹاپ 50 میں اپنی جگہ بنانے میں کامیابی حاصل کی ہے۔

واضح رہے کہ 17 اکتوبر کو ٹیسٹنگ ایجنسی نے نیٹ امتحانات کے نتائج کا اعلان کیا تھا۔جس میں اوڈیشہ کے شعیب آفتاب نے نیٹ (این ای ای ٹی) کے امتحان میں 720 نمبرات میں سے 720 نمبرات لاکر کامیابی کی جو ایک نئی عبارت لکھ دی ہے۔