کیرالہ ہائی کورٹ کے ذریعہ کیرالہ حکومت کے چھ دن کی تنخواہ کٹوتی کے فیصلے پر روک لگانے کے بعد گورنرعارف محمد خان نے نئے آرڈیننس پر دستخط کردیا ہے۔
کیرالہ ہائی کورٹ کے اس فیصلے اور گورنرعارف محمد خان کی دستخط کا مطلب یہ ہے کہ ریاست کے تمام سرکاری ملازمین کو اپریل کے مہینے میں اپنی تنخواہ مل جائے گی۔
ریاستی وزیر خزانہ تھامس ایساک نے بتایا کہ 'کیرالہ کے گورنر عارف محمد خان نے 'ڈیزاسٹر اینڈ پبلک ایمرجنسی اسپیشل پروویژنز ایکٹ' کے نئے آرڈیننس پر دستخط کردیا ہے'۔
واضح رہے کہ چنارئی وجین حکومت نے گذشتہ ماہ کووڈ 19 کے بحران پر قابو پانے کے لیے عارضی اقدام کے طور پر اگلے پانچ ماہ میں اپنے تمام ملازمین کی چھ دن کی تنخواہ کٹوتی کرنے کا فیصلہ کیا تھا، کیونکہ ریاست پر نقد رقم کی قلت کا دباؤ تھا۔
جس کے بعد اپوزیشن اور ملازمین یونینز نے کیرالہ ہائی کورٹ سے رجوع کیا، جس نے اسے روک لگا دیا اور اس سے وجے حکومت کو نیا آرڈیننس لانے پر مجبور ہونا پڑا۔
