سابق وزیر سی ایف تھامس کا آج تھروملا کے ایک نجی ہسپتال میں انتقال ہوگیا، وہ 81 برس کے تھے۔
سی ایف تھامس کا شمار کیرالا میں کانگریس کے سینئر رہنماؤں میں کیا جاتا تھا۔ وہ طویل عرصے سے علیل تھے جبکہ ان کا علاج کیا جارہا تھا۔
انہیں 1980 سے مسلسل 9 مرتبہ چھانگاسری حلقہ رکن اسمبلی منتخب کیا گیا۔ انہوں نے 2001 سے 2006 تک دیہی ترقی کے وزیر کی حثیت سے خدمات انجام دیں۔
سی ایف تھامس کیرالا میں کانگریس کے متعدد عہدوں پر فائز رہے اور انہیں غیرمتنازعہ شخصیت کی حثیت سے شہرت حاصل تھی۔ تھامس طالب علمی کے زمانہ سے ہی سیاست سے وابستہ رہے، انہوں نے ٹریڈ یونین میں سرگرمیوں سے اپنی سیاسی زندگی کا آغاز کیا تھا اور شروع سے ہی کانگریس سے جڑے رہے۔
