ترواننت پورم: کیرالہ میں منگل کو تقریباً ایک لاکھ کمیونسٹ پارٹی آف انڈیا-مارکسسٹ (سی پی آئی-ایم) کارکنان کے راج بھون کے سامنے زبردست احتجاجی مظاہرے میں حصہ لینے کا امکان ہے۔ یہ احتجاج گورنر عارف محمد خان کے خلاف ہے، جو مختلف یونیورسٹیوں میں متعدد غیر قانونی تقرریوں پر پنارائی وجین کی قیادت والی بائیں بازو کی حکومت سے براہ راست جدوجہد کررہے ہیں۔ CPIM protest Against Arif Mohammad Khan
پارٹی کے جنرل سکریٹری سیتارام یچوری ریاست میں تعلیم کے شعبے کو بھگوا بنانے کی کوشش کرنے پر گورنر کے خلاف احتجاجی مارچ شروع کریں گے۔ پارٹی ذرائع نے بتایا کہ یہ کیرالہ کی تاریخ کا سب سے بڑا احتجاجی مارچ ہوگا۔ انہوں نے سپریم کورٹ کے حکم کے بعد نو یونیورسٹیوں کے وائس چانسلروں کو اپنے عہدے سے استعفیٰ دینے کے لئے کہا اوراس سلسلے میں کیرالہ یونیورسٹی کے نئے وائس چانسلر کی تقرری کے ساتھ 15 سینیٹ ممبران کو برطرف کر دیا۔
یہ بھی پڑھیں: Kerala Guv has Lost his Mental Stability کیرالہ کے گورنر اپنا ذہنی توازن کھو چکے ہیں، سی پی آئی (ایم)
پارٹی کے کیرالہ سکریٹری ایم وی گووندن، سی پی آئی (ایم) کے ریاستی سکریٹری کنم راجندرن، ڈی ایم کے ایم پی تروچی شیوا، ایل ڈی ایف کنوینر ای پی جے راجن، کیرالہ کانگریس (ایم) کے رہنما جوس کے منی، میتھیو ٹی تھامس، پی سی چاکو، ورگیس جارج، رامچندرن کدنپلی، پی سی جوزف، کے بی گنیش کمار اور بنوئے جوزف سمیت دیگر قائدین کے احتجاجی مارچ میں شامل ہونے کی توقع ہے۔ بھارتیہ جنتا پارٹی (بی جے پی) کی ریاستی قیادت نے راج بھون تک احتجاجی مارچ میں حصہ لیتے ہوئے ریاستی سرکاری ملازمین اور مہاتما گاندھی نیشنل رورل ایمپلائمنٹ گارنٹی ایکٹ (منریگا) کے خلاف کیرالہ ہائی کورٹ سے رجوع کیا ہے۔
یو این آئی
