ریاست کیرالہ کے اڈوکی کے نزدیک نیریمنگلم میں ارناکولم جانے والی کیرالہ ایس آر ٹی سی بس کے پہاڑی کے کنارے تقریباً 15 فٹ نیچے گرنے سے ایک شخص ہلاک اور 58 سے زیادہ افراد زخمی ہوگئے۔ پولیس نے بتایا کہ 'یہ واقعہ صبح کے وقت چیاپڑا اور نیریمنگلم کے درمیان ایک مقام پر پیش آیا۔ bus fell down hillside in Kerala
پولیس نے مزید بتایا کہ 'اس حادثے میں ایک شخص کے ہلاک ہونے کی اطلاع ہے جب کہ 58 افراد زخمی ہوئے ہیں جس میں ایک حالت تشویشناک بتائی جا رہی ہے۔ حالانکہ ابھی تک حادثے کے پیچھے کی وجہ معلوم نہیں ہو سکی ہے۔ بس پہاڑی کی چوٹی سے 14-15 فٹ نیچے گر گئی۔'
یہ بھی پڑھیں: Bus fell in Narmada River: نرمدا ندی میں بس گری، 13 مسافر ہلاک
پولیس نے یہ بھی کہا کہ انہیں شبہ ہے کہ مُنار سے آنے والی بس کا ٹائر پھٹ گیا جس کے نتیجے میں یہ حادثہ پیش آیا۔ جیسے ہی حادثہ پیش آیا مقامی لوگ موقع پر پہنچ گئے اور امدادی کارروائیاں شروع کر دی۔
