سیلاب سے خستہ حال سڑکوں کو ٹھیک كرائیں گڈکری: راہل

ریاست کیرالہ میں کانگریس کے سابق صدر اور کیرالہ کے وايناڈ سے رکن پارلیمنٹ راہل گاندھی نے مرکزی وزیر ٹرانسپورٹ نتن گڈکری سے ریاست میں شدید بارش کی وجہ سے آئے سیلاب اور لینڈ سلائیڈنگ سے ریاست کے تین اضلاع میں تباہ شدہ سڑکوں کی مرمت اور تجدید کے لئے رقم مختص کرنے کی اپیل کی ہے۔

مسٹر گاندھی نے مسٹر گڈکری کو پیر کو خط لکھ کر کہا کہ ان کے پارلیمانی حلقہ، جو تین اضلاع وايناڈ، ملا پورم اور كوژیكوڈ اضلاع میں پھیلا ہوا ہے، گذشتہ آٹھ اگست کو ہوئی شدید بارش اور سیلاب سے بری طرح متاثر ہوے ہیں ۔ انہوں نے اپنے خط میں یہ بھی ذکر کیا کہ ان کے پارلیمانی حلقے میں زیادہ تر سڑکیں اور دیگر مواصلاتی نظام مکمل طور تباہ ہو چکا ہے یا پھر خراب ہو گیا ہے ۔ کانگریس لیڈر منگل کو سیلاب اور لینڈسلائیڈنگ کی زد میں آئے وايناڈ اور ملاپورم اضلاع کے متاثرہ علاقوں کا دورہ کر زمینی حقیقت کا جائزہ بھی لیں گے ۔