یادگیر: چوری کی واردات پر قابو پانے کے لئے پولیس کی انوکھی پہل

ضلع یادگیر کے سپرنٹنڈنٹ آف پولیس ویدا مورتی نے کہا کہ یادگیر پولیس کی جانب سے گراہ سرکشا ایپ بنایا گیا ہے، جس کے ذریعہ ایسے افراد کے گھروں کی حفاظت کی جاسکتی ہے جو سفر میں ہوں اور ان کا گھر خالی ہو۔

ریاست کرناٹک کے ضلع یادگیر کے سپرنٹنڈنٹ آف پولیس ویدا مورتی نے میڈیا سے بات کرتے ہوئے کہا کہ یادگیر پولیس کی جانب سے گراہ سرکشا ایپ کریٹ کیا گیا ہے
اس ایپ کے ذریعہ ایسے لوگوں کے گھروں کی حفاظت کی جائے گی جو سفر میں ہیں-

انہوں نے کہا کہ محکمہ پولیس نے اس ایپ کے ذریعے شہر میں ہورہے چوری کے واقعات پر روک لگانے کے لئے یہ اقدام اٹھایا ہے

انہوں نے عوام سے اپیل کی ہے کہ جب آپ کسی دوسرے مقام پر جا رہے ہوں تو اپنے گھر کا لوکیشن، مکان کی فوٹو، مکمل پتہ اور سفر کی تاریخ سمیت مکمل تفصیلات اس ایپ کے واٹس ایپ نمبر 9480803600 پر سینڈ کریں گے تو شہر میں گشت کرنے والی محکمہ پولیس کی گاڑیاں آپ کے گھر کے اطراف و اکناف دن اور رات میں چکر لگائیں گی

انہوں نے کہا کہ سفر کے دوران اپنے اپنے گھروں کی حفاظت کے لیے لیے محکمہ پولیس کی جانب سے کئے جا رہے اس اقدامات کا فائدہ اٹھائیں اور اپنے گھروں کو چوروں کے نشانہ سے بچائیں