کرناٹک کے ضلع یادگیر میں مسجد صدر دروازہ انتظامی کمیٹی کی جانب سے ہر سال کی طرح امسال بھی لڑکوں میں دینی معلومات میں اضافے کی غرض سے اسلامی کوئز مقابلے کا انعقاد عمل میں لایا جا رہا ہے۔
سید ساجد حیات سیکریٹری مسجد صدر دروازہ انتظامی کمیٹی یادگیر نے ای ٹی وی بھارت سے بات کرتے ہوئے بتایا کہ گزشتہ بارہ سالوں سے لڑکوں کے لئے ہر سال ماہ ربیع الاول کے موقع پر اسلامی کوئز مقابلہ کا انعقاد عمل میں لایا جاتا ہے۔ اس سال بھی 16 اکتوبر کو اسلامی کوئز مقابلے کا انعقاد عمل میں لایا جارہا ہے۔
یہ بھی پڑھیں:گلبرگہ: میلاد النبیؐ کی آمد پر گلبرگہ میں نعتیہ مشاعرہ کا انعقاد
پہلی جماعت سے دسویں جماعت تک کے لڑکوں کے لئے یہ مقابلہ رکھے گئے ہیں۔ 16 اکتوبر بعد نماز عشاء ان مقابلہ کا انعقاد عمل میں لایا جائے گا، جس کے لیے 15 اکتوبر شام تک طلبہ رجسٹریشن کرسکتے ہیں۔
انہوں نے سرپرستوں اور والدین سے اپیل کرتے ہوئے کہا کہ اپنے بچوں میں علم دین کی معلومات میں اضافے کے لیے اسلامی کوئز مقابلہ میں حصہ لینے پر زور دیں۔
