ایسوسی ایشن کے صدر شیو انا نے اس موقع پر خطاب کرتے ہوئے کہا کہ 'کماری سوپنا دسویں جماعت میں ضلع یادگیر میں دوسرے مقام پر کامیابی حاصل کرتے ہوئے انہوں نے اسکول کے نام کے ساتھ ساتھ تعلقہ شاہ پور کا نام بھی روشن کیا ہے۔
انہوں نے کہا کہ 'علم ایک ایسا زیور ہے جس کو کوئی چرا نہیں سکتا۔ علم ہی ایک ایسی دولت ہے جو انسان کے ہر وقت ساتھ رہتی ہے اور آخری دم تک اس کا ساتھ دیتی ہے۔'
انہوں نے سوپنا سے اپیل کرتے ہوئے کہا کہ وہ اعلی سے اعلی تعلیم حاصل کریں، اپنے والدین کے ساتھ ساتھ ضلع کا نام روشن کریں۔ اس موقع پر شانتاپا، پدماوتی، ساگر، وجے کمار کے علاوہ دیگر موجود تھے۔
