اس اجلاس میں سابق رکن اسمبلی ڈاکٹر ویر بسنت ریڈی، کرناٹکا یونین آف ورکنگ جرنلسٹ ایسوسی ایشن کے ضلعی صدر آندودھر، تعلقہ صدر راجیش پاٹل نے مہمان خصوصی کے طور پر شرکت کی۔
اس موقع پر خطاب کرتے ہوئے رکن اسمبلی وینکٹ ریڈی نے کہا کہ 'میرے حامیوں کا شکریہ ادا کرتا ہوں جنہوں نے لاک ڈاؤن کے دوران مسلسل 45 دن تک شہر کے کووڈ سرکاری ہسپتال اور غیر سرکاری ہسپتال کے علاوہ محکمہ پولیس سے وابستہ احباب و دیگر ضرورت مند لوگوں میں اشیائے ضروریہ تقسیم کی۔
انہوں نے کہا کہ 'کورونا اور لاک ڈاؤن میں جہاں ڈاکٹرز، نرس، آنگن واڑی ورکرس، محکمہ پولیس کے تمام ذمہ دار، محکمہ بلدیہ کے شانہ بشانہ صحافیوں نے بھی اپنی جان کی پرواہ کیے بغیر نازک حالات میں اپنی ذمہ داریاں نبھائی جس کے لیے وہ تمام افراد قابل مبارکباد ہیں۔
یہ بھی پڑھیں: یادگیر: بارش کے پیش نظر ضلع انتظامیہ کی ہدایت
کرناٹکا یونین آف ورکنگ جرنلسٹ ایسوسی ایشن کے صدر آندودھر نے کہا کہ دیگر طبقات کی طرح صحافی احباب کو بھی حکومت کی جانب سے امداد ملنی چاہیے۔
