کرناٹک کے یادگیر شہر کے مولانا قاری عبدالسلیم خطیب و امام مسجد حقانی اور معلم مدرسہ ضیاء العلوم یادگیر نے وسیم رضوی کے قرآن کریم کی 26 آیتوں کو حذف کرنے کے لیے داخل کی گئی پٹیشن پر ای ٹی وی بھارت سے خصوصی بات چیت کرتے ہوئے کہا کہ وسیم رضوی نے قرآن شریف کی 26 آیتوں کو حذف کرنے کی جو بات کہی ہے وہ غلطی ناقابل معافی ہے۔
انہوں نے مزید کہا کہ وسیم رضوی نے خلفائے راشدین کی بھی توہین کی ہے وہ خلفائے راشدین جو حضور اکرم صلی اللہ علیہ وسلم کے اشارے پر اپنی زندگی قربان کرتے تھے۔ وہ خلفائے راشدین جو قرآن سن کر ایمان لائے تھے۔ ایسے خلفائے راشدین کی شان میں گستاخی کرنے والے کو کبھی معاف نہیں کیا جائے گا۔
قاری عبدالسلیم نے حکومت سے مطالبہ کیا کہ جلد از جلد وسیم رضوی کو گرفتار کیا جائے۔ انہوں نے علمائے کرام مشائخین اور امت مسلمہ سے پر زور اپیل کی کہ وسیم رضوی کی اس حرکت پر مذمت کرتے ہوئے احتجاج کریں۔
