آل انڈیا یونائیٹیڈ ٹریڈ یونین سینٹر یادگیر کی صدر اوما دیوی نے ایڈیشنل ڈپٹی کمشنر یادگیر پرکاش راجپوت کو میمورنڈم پیش کرتے ہوئے کہا کہ ضلع یادگیر کے مائناریٹی ہاسٹل، بیک ورڈ مائناریٹی ہاسٹل اور مرارجی دیسائی ہاسٹل میں کام کرنے والی خواتین کی تنخواہ پچھلے ایک سال سے نہیں دی گئی ہے۔
انہوں نے بتایا کہ ان ہاسٹلز میں کام کرنے والی پانچ سو سے زائد خواتین بے حد پریشان ہیں۔ کورونا وائرس کے بچاؤ کے لیے لگائے گئے لاک ڈاؤن میں اپنی خدمات انجام دینے والی خواتین کو بھی حکومت سے کوئی امداد نہیں ملی ہے۔ اس لئے ہاسٹل میں کام کرنے والی خواتین کو بھی ریاستی حکومت کی جانب سے خصوصی پیکیج ملنا چاہیے۔
انہوں نے مطالبہ کیا کہ ہاسٹل میں کام کرنے والی خواتین میں باورچی وارڈن چپراسی و دیگر شامل ہیں۔ کرناٹک کی ریاستی حکومت ہاسٹل میں اپنی خدمت انجام دینے والی ان خواتین کی تنخواہ کے مسئلے کو جلد از جلد حل کرے اس موقع پر آل انڈیا یونائیٹڈ ٹریڈ یونین سنٹر یادگیر کے دیگر ذمہ داران بھی موجود تھے۔
