ریاست کرناٹک کے ضلع یادگیر کے محکمہ بلدیہ کے کمشنر بکپا نے عوام سے اپیل کرتے ہوئے کہا کہ جب بھی گھر سے باہر نکلیں ماسک لگا کر نکلیں۔
عوامی مقامات پر ماسک لگا کر جائیں اور سماجی فاصلے کا خیال رکھیں سینیٹائزر کا استعمال کریں۔
ضلع یادگیر کے محکمہ بلدیہ کے کمشنر بکپا کی عوام سے اپیل
کمشنر بلدیہ نے کہا کہ لوگ بلا خوف و خطر بازاروں میں بنا سماجی فاصلے اور بغیر ماسک لگائے گھوم رہے ہیں ۔
انہوں نے کہا کہ ریاست میں کورونا وائرس کے بڑھتے ہوئے معاملات کو دیکھتے ہوئے کورونا پر قابو پانے کے لیے ریاستی حکومت سخت اقدامات اختیار کر رہی ہے۔
بلدیہ کمشنر نے عوام سے اپیل کرتے ہوئے کہا کہ اپنی صحت اور سماج میں خوشحالی کے لیے سماجی فاصلے کا خیال رکھے اور ماسک لگا کر باہر جائیں۔
انہوں نے کہا کہ کورونا وائرس سے بچنے کے لیے احتیاطی اقدامات پر عمل کرنا نہایت ضروری ہے۔
