بنگلور: ریاست کرناٹک کے دارالحکومت بنگلور کے فریڈم پارک میں پاپولر فرنٹ آف انڈیا کی جانب سے اینفورسمینٹ ڈائریکٹریٹ کی کارروائی کے خلاف قومی سطح پر احتجاج کیا گیا۔جس میں کثیر تعداد میں کارکنان نے شرکت کی اور ای ڈی کی اس کارروائی کو بی جے پی کی سازش قرار دیا۔ Popular Front of India Protest Against ED Action
![We are not Afraid of ED Action](https://etvbharatimages.akamaized.net/etvbharat/prod-images/ka-blr-01-popularfrontheldmassiveagitationcondemningceisureofitsaccountsbyenforcementdirrctorate-7205032_04062022160007_0406f_1654338607_440.jpg)
مظاہرے کے دوران پاپیولر فرنٹ بنگلور کے سکریٹری اطہر اللہ شریف نے کہا کہ گزشتہ 13 سالوں میں پی ایف آئی کے اکاؤنٹس میں 60 کروڑ روپے ڈونیشن کے طور پر آئے ہوئے تھے جن کا استعمال انہوں نے عوامی فلاح و بہبودی کے علاوہ قدرتی آفات میں متاثرین کی امداد کے لیےخرچ کیا ہے۔ انہوں نے بتایا کہ اس رقم کے استعمال کے متعلق تنطیم کی جانب سے ایک ایک پائی کا حساب انکم ٹیکس ڈپارٹمنٹ کو دے دیا گیا ہے، اس کے باوجود ای ڈی کی اس قسم کی کارروائی ان کی کریڈیبیلیٹی پر سوال اٹھاتی ہے۔
![We are not Afraid of ED Action](https://etvbharatimages.akamaized.net/etvbharat/prod-images/ka-blr-01-popularfrontheldmassiveagitationcondemningceisureofitsaccountsbyenforcementdirrctorate-7205032_04062022160007_0406f_1654338607_720.jpg)
![We are not Afraid of ED Action](https://etvbharatimages.akamaized.net/etvbharat/prod-images/ka-blr-01-popularfrontheldmassiveagitationcondemningceisureofitsaccountsbyenforcementdirrctorate-7205032_04062022160007_0406f_1654338607_613.jpg)
مظاہرین نے کہا کہ اینفورسمینٹ ڈائریکٹرریٹ، سی بی آئی و دیگر ادارے بھارتیہ جنتا پارٹی کے آلہ کار بنے ہوئے ہیں جنہیں بی جے پی اپنے سیاسی مفادات کے حصول کے لیے سیاسی ہتھیاروں کے طور پر استعمال کر رہی ہے ان تمامی سیاسی یا سماجی اداروں کو خاموش کرانے کے لیے بی جے پی اس طرح کا ہتھکنڈہ اپناتی ہے۔اطہر اللہ شریف نے ای ڈی کی کارروائی کے بارے میں بتایا کہ وہ اس سلسلے میں قانونی چارہ جوئی کریں گے۔
![We are not Afraid of ED Action](https://etvbharatimages.akamaized.net/etvbharat/prod-images/ka-blr-01-popularfrontheldmassiveagitationcondemningceisureofitsaccountsbyenforcementdirrctorate-7205032_04062022160007_0406f_1654338607_329.jpg)
مزید پڑھیں: ED action on PFI: پی ایف آئی کے خلاف ای ڈی کی کارروائی