موبائیل کا استعمال تعلیم کے حصول اور بہتر کاموں کے لئے کریں

مولانا عبدالقدیرعطاری مبلغ سنی دعوت اسلامی شاہ پور نے میڈیا سے بات کرتے ہوئے کہا کہ لاک ڈاؤن کی وجہ سے اسکول کالج بند ہیں- اگر کسی جماعت یا کسی شعبے کی تعلیم ہو رہی ہے تو وہ بھی آن لائن ہو رہی ہے۔جس کی وجہ سے بچوں کے ہاتھوں میں موبائیل آگیا ہے

انہوں نے کہا کہ والدین اپنے بچوں کو بڑی مشکل سے موبائیل خرید کر دے رہے ہیں۔ مگر بچے ان موبائیل کا تعلیم کے حصول کے بجائے غلط استعمال کرہے ہیں ۔

انہوں نے مزید کہا کہ موبائیل ایک جدید ٹیکنالوجی ہے۔ اس سے اچھے اور بہتر کام لئے جا سکتے ہیں ۔مگر اکثر نوجوان موبائیل کا غلط استعمال کرکے اپنی دنیا اور آخرت دونوں خراب کر رہے ہیں ۔

انہوں نے کہا کہ ایک مسلمان کو چاہئے کہ وہ دینی اور قوم و ملت کے کاموں اچھی باتوں کو لوگوں تک پہنچانے کا کام موبائیل کے ذریعہ انجام دے۔

مولانا عبدالقدیر عطاری نے والدین سے اپیل کرتے ہوئے کہا کہ آنے والی نسلوں کو نیک اور تعلیم یافتہ بنانے کے لیے اپنے بچوں کی رہبری اور رہنمائی ضرور کریں۔

انہوں نے کہا کہ اپنے بچوں کے ہاتھوں میں مہنگے موبائیل دینے سے ہماری ذمہ داری ختم نہیں ہوتی۔

ہم پر یہ بھی ذمہ داری عائد ہوتی ہے کہ ہم بچوں پر موبائیل کے استعمال پر نظر رکھیں۔ اور انہیں موبائیل کے استعمال سے متعلق تاکید کریں۔ تاکہ آنے والی نسلیں نیک عبادت گزار اور تعلیم یافتہ ہو