بنگلور: ریاست کرناٹک کی معروف ادبی تنظیم 'محفل نساء' کی سربراح شائستہ یوسف و دیگر ذمہ داران کی جانب سے پریس کانفرنس میں بتایا گیا کہ رواں سال بھی 'اردو ستاروں کی کھوج' پروگرام 29 نومبر کو منعقد کیا جائیگا جس میں طلباء و اردو دانوں پر مشتمل ایک بڑے پیمانے پر ریلی منقعد ہوگی اور 'اردو دوست' ایوارڈس بھی دیے جائیں گے۔ Urdu Sitaron ki Khoj
محفل نساء کی ریاستی صدر شائستہ یوسف نے بتایا کہ اردو ستاروں کی کھوج ریاست گیر چلائے جانے والا پروگرام ہے جس میں اول ضلع سطح پر اور پھر ریاستی سطح پر اردو ستاروں کی کھوج کی جاتی ہے اور انہیں اردو ستارہ کہا جاتا ہے۔ یاد رہے کہ محفل نساء کی جانب سے اردو کے فروغ و بقاء کے لیے 'یوم اردو' گزشتہ کئی سالوں سے منایا جارہا ہے جس میں اردو ستاروں کی کھوج کے علاوہ اردو دوست ایوارڈس سے بھی نوازا جاتا ہے۔ واضح رہے کہ محفل نساء کے یوم اردو و اردو ستاروں کی کھوج پروگرام کرناٹک اردو اکیڈمی کے اشتراک سے منعقد کیا جارہا ہے۔
یہ بھی پڑھیں : Shaista Yousuf نئی نسل کو اردو ادب سے جوڑنا اور ادبی صلاحیتوں کو منظرعام پر لانا محفل نساء کا اہم مقصد
