ریاست کرناٹک کے شہر منگلورو میں شہریت ترمیمی قانون کے خلاف احتجاج کے دوران دو مظاہرین پولیس کی گولیوں کا شکار ہوئے۔
منگلورو میں شہریت ترمیمی قانون کے خلاف احتجاج کے دوران مظاہرین نے حکومت اور سی اے اے کے خلاف جم کر نعرے بازی کی۔
وہیں پولیس نے مظاہرین کو روکنے کی کوشش کی جس میں پولیس کی جانب سے مبینہ طور پر گولی بھی چلائی گئی۔
اس دوران جلیل اور نوشین نامی دو نوجوان شدید طور پر زخمی ہو گئے جنہیں ایک نجی اسپتال میں داخل کرایا گیا جہاں ان کی موت واقع ہو گئی۔
اس حادثہ کے بعد ضلع انتظامیہ نے اسکولز اور کالجز کو بند کرنے کے احکامات جاری کیے ہیں۔
