یادگیر: بجلی گرنے سے دو افراد ہلاک

مانسون سے پہلے غیر موسمی بارش اور تیز ہواؤں کی وجہ سے فصلوں کو نقصان پہنچا ہے، تو دوسری جانب گرج اور بجلی گرنے سے کئی لوگوں کی جان جا چکی ہے۔

ریاست کرناٹک کے ضلع یادگیر کے ایک گاؤں میں بجلی گرنے سے الگ الگ جگہوں پر دو افراد ہلاک ہوگئے۔

پہلا واقعہ موضع یالگی کھیمباوی میں کھیت میں کام کرتے ہوئے ایک 25 سالہ نوجوان ذاکر انور پر بجلی گرنے سے ہلاک ہوگیا۔ اس ضمن میں کیمبھاوی پولیس اسٹیشن میں معاملہ درج کر لیا گیا ہے۔

بجلی گرنے کا دوسرا واقعہ موضع کینکال سعیدہ پور ضلع یادگیر میں کھیت میں کام کرنے والا 45 سالہ شخص دوڈا ہنومنتا پر بجلی گر پڑی اور وہ ہلاک ہوگیا۔ بارش سے بچنے کے لیے وہ ایک درخت کے نیچے پناہ لیے ہوئے تھا۔ عین اسی وقت بجلی گر پڑی اور وہ برسر موقع ہلاک ہو گئے۔