Road Safety Week in Bidar بیدر میں ٹریفک پولیس کی جانب سے روڈ سیفٹی اور بیداری مہم

ضلع بیدر کے امبیڈکرسرکل پر ٹریفک پولیس کی جانب سے روڈ سیفٹی ویک اورٹریفک قوانین سے متعلق بیداری مہم کا انعقاد کیا گیا۔اس موقع پر سپریڈنٹ آف پولیس بیدر بسوانا نے کہا کہ ٹریفک قوانین پر عملدرآمد کرنے سے ہی سڑک حادثات میں کمی آسکتی ہے۔ اس کے لیے لوگوں کو بیدار ہونا ضروری ہے۔ Traffic Police Organise Road Safety Week And Awareness

بیدر: کرناٹک کے ضلع بیدر کے امبیڈکرسرکل پر ٹریفک پولیس کی جانب سے روڈ سیفٹی ویک اورٹریفک قوانین سے متعلق بیداری مہم کا انعقاد کیا گیا۔سپریڈنٹ آف پولیس بیدر بسوانا نے ٹریفک قوانین پر عملدرآمد کرنے سے ہی سڑک حادثات میں کمی آسکتی ہے۔ اس کے لئے لوگوں کو بیدار ہونا ضروری ہے۔بیدر کے سپرنٹنڈنٹ آف پولیس بسوانا نے کہا کہ محکمہ پولیس کی جانب سے جو ہدایت کی جاری گئی ہے وہ عوام کے حق میں بہتر ہے۔ ٹریفک پولیس آپ تمام لوگوں کی جان کی حفاظت چاہتی ہے۔ آپ لوگوں کو ٹریک ضابط پر سختی سے عمل کرنے کی ضرورت ہے۔ انہوں نے کہا کہ موٹر سائیکل پر تین سواری غیر قانونی ہے۔ ایک گاڑی پر تین سواری کرنے سے گاڑی کا بیلنس بگڑ جاتا ہے جس سے اکثر حادثات ہوتے ہیں۔ لوگوں کو احتیاط برتنے کی ضرورت ہے انہوں نے عوام سے اپیل کرتے ہوئے کہا کہ حادثات سے بچنے کے لئے گاڑی چلاتے وقت ہیلمٹ ضرور استعمال کریں۔ چھوٹے بچے گاڑیاں نہ چلائیں۔

ان کا کہنا ہے کہ جب بھی کوئی آدمی گھر سے نکلتا ہے تو گھر والے اس کے واپس آنے تک انتظار کرتے ہیں کیونکہ ہمارے ساتھ ہمارا پورا خاندان ہوتا ہے خاندان میں ہر ایک فرد اپنی اہمیت رکھتا ہے۔ لوگوں کو ٹریفک قوانین پر عمل درآمد کرنے کے ساتھ ساتھ اپنے خاندان والوں کو ذہن میں رکھے تاکہ گھر پر کوئی ان کا انتظار کر رہا ہے۔ بیدر کے ٹرافک سرکل انسپکٹر کپل نے کہا کہ سپرنٹنڈنٹ آف پولیس بیدر کی زیر نگرانی میں لوگوں کے درمیان بیداری کے لئے یہ پروگرام کیا گیا۔ لوگوں کو گاڑی چلاتے وقت خود ہی تمام تر احتیاط برتنے کی کوشش کرنی چاہئے کیونکہ ایک آدمی سے سارا خاندان جڑا ہوتا ہے۔