آج شہر کے بورنگ ہسپتال کے احاطے میں وزیر اعلیٰ یدورپا نے 18 سال سے زائد عمر کے لوگوں کو ٹیکہ لگانے کے لیے ویکسینیشن مہم کے چوتھے مرحلے کا افتتاح کیا۔
اس موقع پر وزیر اعلیٰ یدیورپا نے بتایا کہ آج کا دن کورونا وائرس کے خلاف جدوجہد میں ایک اہم دن ہے۔
انہوں نے بتایا کہ مرکزی حکومت سے 3 لاکھ ویکسین ملے ہیں جب کہ 1 لاکھ ویکسین ریاست میں موجود ہیں، جنہیں وہ آج سے ویکسینیشن مہم کا آغاز کر رہے ہیں۔
یدورپا نے بتایا کہ حکومت کی جانب سے ریاست میں تقریباً 3.26 کروڑ لوگوں کو ٹیکہ دینے کا منصوبہ بنایا گیا ہے اور اس ضمن میں 2 کروڑ ویکسین کی خریدی کے لیے رقم بھی ادا کردی گئی ہے۔
وزیر اعلیٰ نے بتایا کہ اب تک ریاست بھر میں تقریباً 9.6 ساڑھے نو لاکھ لوگوں کو ٹیکہ لگایا جاچکا ہے۔
اس موقع پر وزیر اعلیٰ یدورپا نے عوام سے اپیل کی کہ وہ کووڈ کی وباء سے بچاؤ کے لئے حکومت سے جاری کردہ گائڈلائنز پر سختی سے عمل کرکے حکومت کا ساتھ دیں۔
یہ بھی پڑھیں: 'کورونا لاک ڈاؤن سے پیدا ہونے والے حالات سے نمٹنا حکومت کی ذمہ داری'
