کرناٹک میں ٹیپو سلطان کا یوم شہادت منایا گیا

تاریخ اس بات کی گواہی دیتی ہے کہ ملک ہند میں ٹیپو سلطان کی ایک واحد جنگجو شخصیت رہے جو انگریزوں کے خلاف میدان جنگ میں لڑتے ہوئے شہید ہوئے۔

ریاست کرناٹک کے مختلف مقامات پر آج ٹیپو سلطان کا یوم شہادت منایا گیا اور خراج عقیدت پیش کی گئی۔ اس موقع پر ٹیپو سلطان کی اہمیت اور ملک کے تئیں دین اقر بیشمار عطیات کو یاد کیا گیا۔

ٹیپو کی یوم شہادت کے متعلق بات کرتے ہوئے معروف سماجی کارکن تنویر احمد نے ای ٹی وی بھارت کو بتایا کہ ملک ہند کے لئے ٹیپو سلطان کی دین ناقابل فراموش ہے۔

ٹیپو سلطان کو لیکر ریاست کرناٹک میں چند فرقہ پرست طاقتیں جو ہمیشہ تنازعہ کھڑا کرتے ہیں، ایسے لوگوں کے متعلق تنویر احمد کہتے ہیں کہ یہ نہایت چھوٹی سوچ کے لوگ ہیں اور ایسے لوگ حقیقت میں 'ناشکرے' اور یہ کہ تاریخ کی حقیقت کو کوئی جھٹلا نہیں سکتا۔