اسکوٹر ایمبولینس کے تصادم کے نتیجے میں تین افراد ہلاک

کرناٹک میں چتردُرگ شہر کے باہری علاقے میں کولّاکیرے روڈ پر ایک اسکوٹر اور ایمبولینس کی آمنے سامنے کی ٹکر میں تین افراد ہلاک ہو گئے۔

پولیس نے منگل کے روز بتایا کہ پیر کی رات تین افراد اسکوٹر پر سوار ہو کر اپنے گھر لوٹ رہے تھے۔ اسی دوران سامنے سے آنے والی ایمبولینس سے ان کی ٹکر ہو گئی۔ حادثے میں تینوں افراد کے جائے وقوع پر ہی موت ہو گئی۔

پولیس نے بتایا کہ ہلاک ہونے والوں کی شناخت کانتراج (22)، شریکانت (29) اور ننجُندا (29) کے طور پر کی گئی ہے۔ تینوں پیشے سے پینٹر تھے۔

چتردُرگ دیہی پولیس نے جائے حادثہ کا دورہ کیا اور اس سلسلے میں معاملہ درج کر لیا ہے۔

یو این آئی