ریاست کرناٹک کے گلبرگہ شہر میں جوائنٹ ایکشن کمیٹی گلبرگہ کی جانب سے ضلع ڈپٹی کمشنر کے ذریعے مرکزی وزیر داخلہ کو میمورنڈم پیش کیا گیا۔
'دہلی احتجاج میں گرفتار کیے گئے افراد کو رہا کیا جائے'
اس موقع پر جوائنٹ ایکشن کمیٹی کے کوکنوینر مولانا محمد نوح نے بتایا کہ دہلی میں این آرسی، سی اے اے قانون کی مخالفت کرنے والے کئی طلبا، نوجوان اور خواتین کو گرفتار کیا گیا ہے۔ جنہیں ابھی تک رہا نہیں کیا گیا۔جس میں ایک حاملہ خاتون بھی شامل ہے۔ دہلی میں فساد برپا کرنے اور مسلمانوں کے خلاف نفرت پیدا کرنے والوں کے خلاف کسی طرح کی قانونی کارروائی نہیں کی جارہی ہے۔
