ریا ست کرناٹک کے شہر بنگلور میں جمعۃ الوداع کے موقع پر یوم القدس کا اہتمام کیا گیا، فلسطینیوں پر ہورہے مظالم کی سخت الفاظ میں مذمت کی گئی۔Al-Quds Freedom Movement۔ کرناٹک فیڈریشن آف مسلم ایسوسی ایشنز اور القدس فریڈم موومنٹ کی جانب سے مشترکہ طور پر منعقد کیے گئے یوم القدس پروگرام میں علماء کرام نے یوم القدس کی اہمیت سے ملت کو آگاہ کرانے پر زور دیا۔ Karnataka Federation of Muslim Associations
یوم القدس پروگرام کا انعقاد بنگلور کی مرکزی عبادت گاہ حضرت قدوسی صاحب عیدگاہ کے احاطے میں کیا گیا، جس میں مختلف مذاہب کے رہنماؤں نے شرکت کی اور لوگوں کو فلسطینیوں کے مسائل اور وہاں کے حالات کے تئیں بیدار کیا۔
واضح رہے کہ سن 1979 میں ایرانی رہنما خمینی نے 'یوم القدس' منانے کا اعلان کیا تھا، تاکہ مظلوم فلسطینیوں کے حق میں آواز اٹھائی جائے اور انہیں انصاف دلانے کے لئے جد و جہد کی جاسکے۔
