بنگلورو: کہا جاتا ہے کہ ایک بچے کے لیے اس کی پوری دنیا اس کی ماں ہوتی ہے۔ جب وہ ماں کے پیٹ میں ہوتا ہے تو وہ ساری دنیا کو اپنی ماں کے ذریعے ہی محسوس کرتا ہے۔ اور دنیا میں آنے کے بعد اسے اپنی ماں سے ہی سب کچھ سیکھنے کو ملتا ہے۔ ایک بچے کے لیے اس کی ماں ہی سب کچھ ہوتی ہے۔
کرناٹک کے بنگلورو میں بھی ایسا ہی ایک معاملہ سامنے آیا جہاں ایک 11 سالہ بچے کی ماں کی موت ہوگئی۔ اس بچے کو یہ بھی معلوم نہیں تھا کہ اس کی ماں اسے چھوڑ کر اس دنیا کو ہمیشہ کے لیے الوداع کہہ چکی ہے۔ معلومات کے مطابق بنگلورو میں رہنے والی 40 سالہ انامہ نامی خاتون کی موت سوتے ہوئے ہو گئی۔ لیکن اس سے بے خبر، اس کا بیٹا، جسے معلوم نہیں تھا کہ اس کی ماں مر چکی ہے، اس سے لپٹ گیا۔
بدھ کو معاملے کی جانکاری دیتے ہوئے پولیس نے بتایا کہ ماں کی موت کے بعد بھی بچہ معمول کے مطابق دو دن تک اس کی لاش کے پاس کھیلتا رہا۔ پولیس نے بتایا کہ خاتون اناما بنگلورو کے گنگا نگر میں رہتی تھی اور مزدوری کر کے اپنا گزارہ کرتی تھی۔ ان کا انتقال 25 فروری کو گھر میں ہوا۔ بچے کو ماں کی موت کا علم نہیں تھا۔ جس کی وجہ سے اس نے دو دن لاش کے ساتھ گزارے۔ اس کے بعد وہ پڑوسی کے گھر گیا اور بتایا کہ اس کی ماں نے کھانا نہیں بنایا۔
اس کے بعد اس نے وہیں کھانا کھایا اور پھر اپنے گھر آگیا۔ بعد میں وہ اپنی ماں کی لاش کے پاس سو گیا۔ لیکن 28 فروری کو لاش گلنے لگی اور گھر میں بدبو پھیلنے لگی۔ بچے نے پڑوسیوں کو اس کی اطلاع دی۔ تفتیش کرنے پر معلوم ہوا کہ خاتون کی موت ہو چکی ہے۔ مقامی لوگوں کی طرف سے دی گئی اطلاع کے مطابق آر ٹی نگر تھانہ پولیس موقع پر پہنچی، لاش کو پوسٹ مارٹم کے لیے بھیج دیا اور پھر اسے لواحقین کے حوالے کر دیا۔
