ملت کے طلباء میں اعلیٰ تعلیم کو فروغ دینے کی غرض سے آل انڈیا ملی کونسل اور فیلکن گروپ آف انسٹیٹیوشنز کی جانب سے مشترکہ طور پر ٹیلنٹ ہنٹ امتحان کا اعلان کیا گیا ہے۔ جس سے ملت کے بچوں میں فطری استعداد یا ٹیلنٹ کو پہچان کر انہیں آگے بڑھایا جاسکے۔ اسی فکر کے ساتھ 'فیتھ' فیلکن ٹیلنٹ ہنٹ امتحان بتاریخ 21 نومبر کو کرناٹک کے مختلف اضلاع میں منعقد کیا گیا ہے۔
اس سلسلے میں آل انڈیا ملی کونسل کے قومی اسسٹنٹ جنرل سیکرٹری مولانا مصطفیٰ رفاعی اور فیلکن ادارہ جات کے ڈائریکٹر عبد السبحان نے ملت کے بچوں اور والدین سے اپیل کی کہ جو طلباء 12 ویں پاس ہوچکے ہیں اس ٹیلنٹ ہنٹ امتحان میں حصہ لیں۔
واضح رہے کہ نیٹ / NEET امتحان میڈیکل سیٹس کے لئے دیا جاتا ہے اور مذکورہ امتحان اسی غرض سے منعقد کیا گیا ہے تاکہ ملت کے بچے و بچیاں اس کی بہتر تیاری کرسکیں اور میڈیکل سیٹس کے لئے اہل ہوسکیں۔
