یادگیر میں سبھاش چوک پر آل انڈیا ڈیموکریٹک اسٹوڈنٹس آرگنائزیشن کی جانب سے کئے گئے احتجاجی مظاہرہ میں گورنمنٹ ڈگری کالج اور ویمنس ڈگری کالج کے طلباء و طالبات نے حصہ لیا۔ اس موقع پر سندھو نائب صدر آرگنائزیشن نے کہا کہ ریاستی حکومت طلباء وطالبات کے مسائل حل کرنے میں غیر سنجیدہ ہے۔
انہوں نے کہا کہ ریاستی حکومت نے دسویں اور بارہویں جماعت کے لیے اسکولز و کالجز کو کھول دیا ہے۔ وہیں، دوسری جانب طلباء کو سہولیات فراہم کرنے کے لیے کوئی منصوبہ نہیں کی گئی ہے۔ دور سے آنے والے طالب علم کے لیے ابھی تک بس پاس جاری نہیں کیا گیا اور نہ ہی ہاسٹل کو کھولا گیا۔ اسکولز اور کالجز میں دوپہر کے کھانے کا بھی انتظام نہیں کیا گیا۔
سندھو نے حکومت سے فوری طور پر طلبا کو بس پاس جاری کرنے، ہاسٹلس کو کھولنے اور دوپہر کے کھانے کا انتطام کرنے کا مطالبہ کیا۔
سکریٹری سبھاش نے کہا کہ آرگنائزیشن کی جانب سے وزیراعلی بی ایس یڈی یورپا کو ایک یاداشت روانہ کی گئی جس میں طلبا کے مسائل کو جلدازجلد حل کرنے کی اپیل کی گئی۔ انہوں نے کہا کہ یادداشت کی ایک کاپی وزیر تعلیم، سوشیل ویلفیئر ڈپارٹمنٹ، بیک ورڈ کلاس ویلفیئر ڈپارٹمنٹ اور کرناٹک اسٹیٹ روڈ ٹرانسپورٹ کارپوریشن کے ذمہ داروں کو روانہ کی جارہی ہے۔
سیداپا صدر آل انڈیا ڈیموکریٹک اسٹوڈنٹس آرگنائزیشن یادگیر نے اس احتجاج میں شامل تمام طلباء و طالبات سے اظہار تشکر کیا۔
