آج سے 37 سال قبل جماعت اسلامی ہند کی جانب سے طلباء کی رہنمائی کے لیے 1982 میں ایس آئی او کا قیام عمل میں آیا تھا۔
شہر بیدر کے برید شاہی فنکشن ہال میں ایس آئی او کی جانب سے اسٹوڈنٹ کانفرنس کا انعقاد عمل میں آیا۔
'ٹیپو سلطان ایک سیکولر حکمران تھے'
اس کانفرنس میں ایس آئی او کرناٹک کے سرپرست ڈاکٹر بلگامی محمد سعید نے بطور مہمان خصوصی کے طور پر شرکت کی۔
اس موقعے پر عاقب حسین صدر ایس آئی او بیدر یونٹ نے خطاب کرتے ہوئے کہا کہ کانفرنس کا مقصد نوجوانوں کو ان کی ذمے داریاں یاد دلانا ہے۔
غلامی اور جہالت کے سبب ملک کو خطرہ، جنسی تعلیم نامنظور، تعلیمی کارواں نیشنل ایجوکیشن پالیسی میں ایس آئی او کی سفارشات، تعلیم کے بھگواکرن کے خلاف آواز جیسے اہم ترین کام ایس آئی او نے اس ملک میں انجام دئے۔
اس موقع پر ایس آئی او کی جانب سے کئی قراردادیں بھی منظور کی گئیں۔
اس موقع پر محمد نجیب الدین، ضلع ڈی او عبدالقدیر سکریٹری، شاہین ادارہ جات محمد آصف الدین، رکن شوریٰ جماعت اسلامی ہند کرناٹک صلاح الدین، آرگنائزر کانفرنس محمد ظفراللہ خان و دیگر موجود تھے۔
اسٹوڈینٹ کانفرنس میں مختلف کالجوں و اسکولوں کے علاوہ عربی مدارس کے طلباء نے بھی شرکت کی۔
