ملک میں مرکزی حکومت کی جانب سے تین طلاق بل پر قانون پاس کیا گیا ہے. ریاست کرناٹک میں گلبرگہ شہر کے قاضیوں اور سیاسی رہنماؤں نے اس قانون کی مذمت کی۔
گلبرگہ شہر کے ڈاکٹر محمد اصغر چلبل نے ای ٹی وی بھارت سے بات چیت کرتے ہوئے کہا کہ ملک میں پارلیمانی انتخابات کے نتائج کے اعلان ہونے کے بعد وزیراعظم نریندر مودی جی نے مسلمانوں کی ترقی اور ہمدردی کی بات کہی تھی اور مسلمانوں کو قریب لانے کی بات کہی تھی۔
تاہم تین طلاق بل کو پاس کر نے کے بعد معلوم ہوتا ہے کہ ملک کے وزیراعظم مسلمانوں کو قریب کرنا نہیں چاہتے بلکہ مسلمانوں کو منتشر کرنا چاہتے ہیں۔ وزیراعظم کے قول و فعل میں تضاد ہے۔
اپنے آپکو سیکولر اور مسلمانوں کا ہمدرد کہلانے والی پارٹیوں نے بھی راجیہ سبھا میں تین طلاق بل پر بحث کے دوران واک آؤٹ کیا۔
انہوں نے کہا کہ اگر یہ لوگ اپنی سابق رائے کے مطابق ووٹنگ میں حصہ لیتے تو یہ بل پاس نہیں ہوتا۔
