کرناٹک گلبرگہ میں کارپوریشن انتخابات بی جے پی کو 23 سیٹ، جنتادل سیکولر پارٹی سے 4،اور آزاد امیدوارکوایک سیٹ ملی ہے۔تاہم سب سے زیادہ نشستیں کانگریس کے کھاتے میں آئیں۔
اس موقع پر کرناٹک گلبرگہ شمال سے کانگریس پارٹی کی واحد مسلم رکن اسمبلی کنیز فاطمہ نے ای ٹی وی بھارت سے خصوصی بات چیت کی۔
انھوں نے کہ کہا گلبرگہ شمال ہمیشہ کانگریس پارٹی کا گڑ مانا جاتا ہے۔ یہاں پر کارپوریشن میں ہمیشہ کانگریس پارٹی کا قبضہ رہا ہے۔ آنجہانی وزیر قمرالاسلام کے بغیر کانگریس کا یہ پہلا کارپوریشن الیکشن تھا۔ مرحوم کی اہلیہ رکن اسمبلی کنیز فاطمہ کے صدارت میں یہ الیکشن ہوا۔ جس میں 27 امیدوار کانگریس پارٹی کے کامیاب ہوئے ہیں۔
انھوں نے کہا انتخابات کے دوران جے ڈی ایس، ایم آئی ایم،بی جے پی اور دیگر پارٹیاں میدان میں تھے۔ لیکن یہاں پر مسلم وونٹگ ایک طرف ہی ہوئی ہے۔ یہاں کی عوام نے قمرالاسلام کو یاد رکھا اور قمرالاسلام کی محبت میں کانگریس پارٹی کامیاب ہوئی ہے۔
