ریاست کرناٹک کے شہر بنگلور میں عید قرباں کے دن جانور کی قربانی اور نماز واجب کی ادائیگی کے متعلق علماء کرام کی جانب سے اہم ہدایات دی گئی ہیں۔
اس سلسلے میں علمائے کرام نے مسلمانوں کو آگاہ کیا, انہوں نے کہا 'آج کی تاریخ میں کوئی بھی شخص جو 24 ہزار 557 روپے کا مالک ہے وہ قربانی کا صاحب نصاب ہے اور قربانی اس پر واجب ہو گی'۔
علماء کرام نے مسلمانوں سے اپیل کی کہ وہ بخوشی سادگی کے ساتھ عید منائیں، حکومت و امارت شریعت کے عین مطابق جانور کی قربانی اور ماسک و سماجی فاصلے کے ساتھ نماز ادا کریں اور کورونا وائرس کی وباء سے نجات کی دعائیں کریں۔
یہ بات واضح رہے کہ ریاست کرناٹک میں مساجد میں نماز عید ادا کرنے کی اجازت دی گئی ہے، لیکن اس کے ساتھس ساتھ عید گاہوں سے پرہیز کرنے کی ہدایت بھی دی جارہی ہے۔
یہ بھی پڑھیے
مسجد الحرام اور مسجد نبوی میں نمازعید الاضحیٰ ادا
علمائے کرام نے عوام سے یہ بھی اپیل کی ہے کہ پردے میں قربانی کریں اور نالیوں میں خون نہ بہنیں دیں، اس کے بعد عید کے دوسرے دن مونیسپل کارپوریشن کا ساتھ دے کر محلے اور علاقے کو صاف کروائیں۔
کورونا وائرس کی وجہ سے رواں سال بھارت میں تہواروں کے دوران پہلے کی طرح چہل پہل دیکھنے کو نہیں مل رہی ہے، رواں سال تہواروں کے دوران کاروباریوں کو بھی خاصا نقصان اٹھانا پڑا ہے۔
