بنگلورو میں آر وی کالج میں "ویمن امپاورمنٹ" کے عنوان سے ایک سمینار کا انعقاد کیا گیا۔ اس موقع پر ماہر تعلیم و نفسیات صبا پرویز اور طالبات کے درمیان ایک مؤثر انٹرایکٹو سیشن کا اہتمام کیا گیا۔ اس میں طالبات کے سامنے واضح کیا گیا کہ "خواتین کو بااختیار بنانا" کیا ہے اور اس مقصد کو کیسے حاصل کیا جا سکتا ہے۔
اس موقع پر نامہ نگاروں سے بات کرتے ہوئے صبا پرویز نے بتایا کہ خواتین کسی بھی اعتبار سے کمزور نہیں ہیں۔ ضرورت اس بات کی ہے کہ وہ اپنے ڈر و ہچکچاہٹ کو دور کریں اور اپنی خوبیوں کو ابھاریں۔
صبا پرویز نے کہا کہ خواتین کو چاہیے کہ وہ اٹھ کھڑے ہوں اور نا صرف خود کو بااختیار بنائیں بلکہ دیگر خواتین کو بھی بااختیار بنانے کی فکر کریں۔
مزید پڑھیں:
منشیات کےانسداد کے لیے کونسلنگ مرکز قائم کرنے کا مطالبہ
سیمینار کو طلبا و طالبات نے نہایت ہی مؤثر و معلوماتی قرار دیا۔ طلبا نے بتایا کہ انہوں نے یہ سیکھ حاصل کی کہ خواتین پہلے ہی طاقتور ہیں۔ بس ضرورت اس بات کی ہے کہ وہ اپنی حقیقی صلاحیتوں کو دریافت کریں اور آگے بڑھیں۔
