ریاست کرناٹک کے ضلع یادگیر کے ڈپٹی کمشنر آفس کے آڈیٹوریم میں ایک اجلاس منعقد ہوا۔
اس کی صدارت ضلع ڈپٹی کمشنر ڈاکٹر راگاپریا نےکی۔اس موقع پر ضلع ڈپٹی کمشنر ڈاکٹر راگاپریا نے کہا کہ کووڈ-19 ویکسین کا دوسرا مرحلہ 8 فروری سے شروع ہورہا ہے۔
انہوں نے کہا کہ دوسرے مرحلے میں محکمہ ریونیو، محکمہ پولیس، پنچایت راج، محکمہ فائر ریسکیو ڈیپارٹمنٹ، محکمہ لیبر کے عہدے داران کو دیا جائے گا۔
کووڈ-19 ویکسین کے دوسرے مرحلے کے لیے 413آفیسر اور عملہ نے اپنے نام درج کروا چکے ہیں۔
ضلع یادگیر میں ویکسین تقسیم کرنے والے 15 مراکز کھولے گئے ہیں۔
انہوں نے کہا کہ پہلے مرحلے میں کوویڈ-19 ویکسین 6213 محکمہ صحت کے عملہ کو دیا گیا تھا۔
