کرناٹک کے ضلع یادگیر کے تعلقہ شاہ پور کے بسوا سرکل پر سوشل ڈیموکریٹک پارٹی آف انڈیا ضلع یادگیر کی جانب سے احتجاج کیا گیا۔
مذکورہ جماعت تنظیم کے مطابق یہ احتجاج بی جے پی حکومت کی جانب سے قومی تحقیقاتی ایجنسی( این آئی اے) کے غلط استعمال کے خلاف کیا گیا۔ ایس ڈی پی آئی کے کارکنان مرکزی وریاستی حکومت کے خلاف زبردست نعرے لگاتے رہے۔ اس موقع پر محمد یونس صدر پاپولر فرنٹ آف انڈیا یادگیر نے احتجاجی اجلاس سے خطاب کرتے ہوئے کہا کہ بینگلور فسادات میں ایس ڈی پی آئی کو پھنسانے کی کوشش کی جارہی ہے جس کی ہم پر زور مذمت کرتے ہیں۔
انہوں نےمطالبہ کیا کہ ایس ڈی پی آئی کے صدر اور سیکرٹری کو جنھیں بینگلور میں گرفتار کیا گیا ہے، انہیں جلد از جلد رہا کیا جائے۔اور بینگلور فسادات کی غیر جانبدارانہ تحقیقات کرتے ہوئے اس واقعے کے پس پردہ قاتلوں کو بے نقاب کرے۔اور انھیں سخت سے سخت سزا دی جائے۔ انھوں نے 17 دیگر افراد کو بھی رہا کرنے کا مطالبہ کیا۔
یہ بھی پڑھیں:این آئی اے کی جانب سے گرفتار افراد بے قصور ہیں: ایس ڈی پی آئی
