گلبرگہ: بجلی بل کو معاف کرنے کا مطالبہ

ریاست کرناٹک کے گلبرگہ شہر میں ہسکام آفس کے سامنے ایس ڈی پی آئی نے احتجاج کیا اور بجلی بل معاف کرنے کا مطالبہ کیا۔

اس موقع پر ایس ٹی یو ریڈرس یونین کے اسٹیٹ صدر عبدالرحیم پٹیل نے کہا کہ 'پچھلے دو مہینوں سے لاک ڈون کی وجہ سے کاروبار بند رہنے کے سبب غریب اور مزدور عوام پریشان حال ہیں۔

ایسے حالات میں بجلی بل کی ادائیگی کرنا ناممکن ہے۔ اس لئے ریاستی حکومت اپریل، مئی اور جون کے بجلی بل کو معاف کریں۔

دہلی ریاستی حکومت کی جانب سے بجلی بل کو معاف کرنے کا اعلان کیا ہے۔ اسی طرح ریاست کرناٹک حکومت بھی بجلی بل کو معاف کرنے کا اعلان کرے۔

اس دوران ہسکام آفیسر کے ذریعے ریاستی حکومت کو میمورنڈم پیش کیا گیا۔