بنگلورو: ریاست کرناٹک کے دارالحکومت بنگلورو میں مسلمانوں بالخصوص نوجوانوں کے درمیان قانونی بیداری مہم لانے کے مقصد سے قانونی ورکشاپ کے انعقاد کا سلسلہ شروع کیا گیا ہے۔
اس ضمن میں بنگلورو کے دیپانجلی نگر میں قانونی بیداری کلاسز کا اہتمام کیا گیا، جس میں ایڈووکیٹ انور علی نے شرکا کو قانون کے متعلق بنیادی پہلو جیسے، ایف۔ آئی۔ آر۔ اریسٹ، چارجشیٹ و متعدد اہم دستوری حقوق کے متعلق آگاہ کیا۔
اس موقع پر مولانا ظہیر الدین قادری و ایڈووکیٹ انور علی نے کہا کہ یہ قانونی بیداری ورکشاپ شہر بھر میں منعقد کئے جائیں گے، جن کے ذریعے سماج کے سبھی مذاہب و طبقات کے نوجوانوں کو لیگل پہلوؤں سے آراستہ کیا جائے گا۔
اس سلسلے میں ایڈووکیٹ انور علی نے بتایا کہ شرکاء کو قانون کی بنیادی باتوں کے علاوہ حقوق انسانی سے جڑی اہم باتوں کو سکھایا گیا۔ اس سلسلے میں مولانا ظہیر الدین قادری نے کہا کہ ملک کے باشندوں کے لئے یہ نہایت ضروری ہے کہ قانون کو اچھی طریقے سے جانیں۔
یہ بھی پڑھیں:Rabta Milat Conduct Workshop بیدر میں خواتین کے لئے شعوری مہم
مولانا قادری نے سماجی تنظیمیں و مساجد کمیٹیوں سے اپیل کی کہ وہ بھی اپنے علاقوں میں اس قسم کی لیگل اویرنیس ورکشاپس کا اہتمام کریں اور نوجوانوں میں قانونی آگاہی کو عام کریں۔
