ریاست کرناٹک کے دارالحکومت بنگلور میں کانگریس پارٹی کے نومنتخب صدر ڈی کے ڈی شیو کمار ریاست کے معروف دینی ادارہ دارالعلوم سبیل الرشاد پہونچے اور امیر شریعت مولانا صغیر احمد رشادی کی دعائیں طلب کیں، اور انہوں نے دیگر علماء کرام سے بھی ملاقات کی۔
اقلیتی طبقات کے تحفظ کو یقینی بنایا جائے گا
اس موقع پر ڈی کے شیو کمار نے بتایا کہ ریاست میں کانگریس کو مضبوط کرنے کے ساتھ اس کے سیکولر اقدار کا فروغ کیا جائے گا، اور تمام اقلیتی طبقات کے تحفظ کو یقینی بنایا جائے گا۔
اس موقع پر مولانا مصطفیٰ رفاعی جیلانی نے ڈی کے شیوا کمار سے التجا کی کہ عیدالاضحیٰ سے قبل فرقہ پرست طاقتیں مسلمان جانوروں کے تاجرین پر حملہ آور ہیں، لہٰذا وہ حکومت پر دباؤ بنائیں کہ ان واردات پر روک لگے۔
