حال ہی میں اقلیتی طبقات کی فلاح و بہبود کےلیے پرائم منسٹر 15 پوائنٹ پروگرام کی شروعات کی گئی ہے۔اسی سلسلے میں کرناٹک میں پرائم منسٹر 15 پوائنٹ پروگرام کی ریاستی سطح کی کمیٹی نے ایک اجلاس منعقد کیا گیا، جس میں کرناٹک کی نمائندگی کر رہے راجیہ سبھا کے رکن ڈاکٹر ناصر حسین اور سرکاری اہلکاروں کے علاوہ متعدد سماجی تنظیموں کے سربراہاں بھی موجود رہے۔
اس سلسلے میں بات کرتے ہوئے ڈاکٹر ناصر حسین نے بتایا کہ اس موقع پر انہوں نے ریاست میں اقلیتوں کے متعلق پیش آرہے کئی مسائل کی نشاندہی کی اور ساتھ میں حکومت سے گزارش کی کہ ان کے مسائل کو جلد از جلد حل کیا جائے ۔جن میں اردو اسکولوں میں بنیادی سہولیات فراہم کرنے کے متعلق بھی بات کی گئی۔
ڈاکٹر ناصر حسین نے بتایا کہ اس اجلاس میں حکومت سے یہ بھی مانگ کی گئی کہ مسلمانوں یا اقلیتوں کی اکثریتی والے علاقوں میں طلباء کے لئے مسابقتی امتحانات کی تیاری کے لئے ٹریننگ سینٹرز کا قیام کرے اور مرارجی دیسائی اسکولوں کا قیام کرے تاکہ غریب طلباء کو عمدہ تعلیم سے آراستہ کیا جاسکے.
