ریاست کرناٹک کا شہر رائچور حیدرآباد۔کرناٹک علاقے میں آتا ہے جس کی ترقی کے لیے آرٹیکل371(j) کی تشکیل دی گئی ہے لیکن یہاں کسی قسم کے کوئی خاص ترقیاتی کام نہیں ہوئے ہیں۔
رائچور بلدیہ میونسپل کمشنر اور بلدیہ چئیرمین کی جانب سے تمامی کونسلرس کی جنرل باڈی میٹنگ 16 اگست کو بلائی گئی ہے۔
اس جنرل باڈی میٹنگ کے ایجنڈے پر سوال اٹھاتے ہوئے سماجی کارکن سراج احمد جعفری نے سنگین الزامات عائد کیے ہیں۔
انہوں نے کہا کہ 'اس ایجنڈے میں درج کیے گئے متعدد کام کاج جھوٹے اور جعلی ہیں۔
سراج احمد جعفری نے دستاویز کے ذریعے بتایا کہ مذکورہ ایجنڈے میں کئی جعلی، نقلی یا پھر جھوٹے معلوم پڑتے ہیں۔
انہوں نے کہا کہ اس طرح کے کام کاج درج کرکے میونسپل انتظامیہ اور عوامی نمائندے حکومت کے ترقیاتی فنڈز میں غبن کی منصوبہ بندی کر رہے ہیں۔
سراج احمد جعفری نے مزید بتایا کہ اس سلسلے میں انہوں نے 'ڈپارٹمنٹ آف ممیونسپل ایڈمنسٹریشن' کی ڈائریکٹر کاویری سے ملاقات کر کے شکایت درج کرائی ہے۔
انہوں نے بتایا کہ کاویری نے انہیں یقین دلایا ہے کہ وہ اس معاملے میں فوری طر پر کارروائی کریں گی۔
