یادگیر: ملک کی دوسری ریاستوں کی طرح کرناٹک کے یادگیر ضلع میں رسولﷺ کی اہانت کرنے والے بی جے پی ایم ایل اے ٹی راجہ کے خلاف بڑے پیمانے پر احتجاجی ریلیوں کا انعقاد کیا گیا جس میں ہزاروں لوگوں نے شرکت کی۔ یادگیر میں نکالی گئی ریلی پرامن رہی۔ ریلی میں شرکت کرنے والے لوگوں نے لا اینڈ آرڈر کا پورا پورا خیال رکھا۔ اس کے ساتھ ساتھ اس بات کا بھی خیال رکھا گیا ہے کہ ریلی کی وجہ سے کسی کو کوئی تکلف نہ پہنچے۔ Protest Against T Raja in Yadgir karnataka
یادگیر میں نکالی گئی ریلی میں تنظیم المسلمین و بیت المال کے صدر اور ذمہ داران کے علاوہ علمائے کرام اور دیگر تنظیموں کے عہدیداران کے ساتھ ساتھ نوجوانوں نے بھی شرکت کی۔ریلی میں شرکت کرنے والے تمام لوگ ایک ہی آواز میں گستاخ رسول راجاسنگھ کے خِلاف سخت کارروائی کامطالبہ کیا۔ Remarks Against Prophet
اس موقع پرمفتی شیخ فرید الدین نے ریلی کو خطاب کرتے ہوئے کہا کہ نبی کریم صلی اللہ علیہ وسلم کی شان میں گستاخی کبھی برداشت نہیں کی جائے گی۔اس کے لئے ہم قانون کے دائرے میں رہ کسی بھی حد تک جا سکتے ہیں۔
انہوں نے کہا کہ حکومت کو چاہیے کہ وہ مذہبی پیشواؤں سے متعللق بیان بازی کرنے والوں کے خلاف ایک قانون بنایا جائے ۔ نوجوان قائد عرفان بادل نے بھی اسی ریلی کو خطاب کیا۔ اس موقع پر تنظیم المسلمین و بیت المال یا دیگر کی جانب سے ایک تحریری یاداشت سپرنٹنڈنٹ آف پولیس کو پیش کی گئی ۔اس میں راجہ سنگھ کے خلاف سخت کارروائی کرنے کا مطالبہ کیا گیا۔
