ریاست کرناٹک کے شہر گلبرگہ میں ریپبلکن یوتھ فیڈریشن اور بھیم آرمی کی جانب سے گلبرگہ آئی جی پی آفس کے سامنے احتجاج کیا گیا۔
اس موقع پر ریپبلکن یوتھ فیڈریشن کے رکن سنتوش میلمنی نے کہا کہ گلبرگہ کے میلہ نگر پولیس اسٹیشن میں پسماندہ طبقے سے تعلق رکھنے والے (دلت) لڑکے کے والدین پر پولیس نے تھرڈ ڈگری کا استعمال کیا اور ان کے ساتھ جانوروں جیسا برتاؤ کیا۔
بتا دیں کہ دلت سماج کا لڑکا اور لنگایت سماج کی لڑکی دنوں ایک دوسرے سے محبت کرتے ہیں، مگر لڑکی کے گھر والوں نے شادی کرانے سے انکار کر دیا، جس کے بعد دونوں گھر سے فرار ہوگئے۔ اس پر پولیس نے کارروائی کرتے ہوئے لڑکے کے والدین کو پولیس اسٹیشن بلا کر ان کے ساتھ مارپیٹ کی۔
یہ بھی پڑھیں: بنگلورو تشدد: گرفتار افراد کی رہائی کے لیے عرضی دائر
شہر گلبرگہ کے میلہ نگر پولیس اسٹیشن کے سب انسپکٹر نے لڑکے کے والدین کے ساتھ جانوروں جیسا سلوک کرتے ہوئے ان کو خوب مارا پیٹا۔
اس لیے آج شہر گلبرگہ میں ریپبلکن یوتھ فیڈریشن اور بھیم آرمی کی جانب سے احتجاج کرتے ہوئے سب انسپکٹر سنگمیش پر سخت قانونی کارروائی کرنے کا مطالبہ کیا گیا۔
اس موقع پر احتجاجیوں نے لڑکا اور لڑکی کو جلد از جلد تلاش کرنے کا مطالبہ کرتے ہوئے گلبرگہ آئی جی پی کو ایک میمورنڈم بھی پیش کیا۔
