ریاست کرناٹک کے گلبرگہ شہر میں کسان تنظیموں کی جانب سے جگت سرکل میں مشعل جلاتے ہوئے دہلی میں مرکزی حکومت کے زرعی قوانین کے خلاف کسانوں کی تحریک کی گلبرگہ میں زبردست حمایت کی گئی۔
مرکزی حکومت کے خلاف کسان تحریک کی گلبرگہ میں حمایت
اس موقع پر کسان تنظیم کے ضلع صدر مامشٹی نے کہا کہ دہلی میں مرکزی حکومت کے خلاف احتجاج کر رہے کسانوں کو پولیس گرفتار کر رہی ہے۔'
انہوں نے کہا کہ 'مرکزی حکومت کسانوں کی حقوق کو چھین کر ان کی آواز کو دبانے کی کوشش کر رہی ہے۔ آج کسان کی محنت کی وجہ سے ہی ملک کے تمام لوگوں کو اناج مل رہا ہے لیکن مرکزی حکومت زرعی قانون میں تبدیلی لا کر کسان کے لئے مشکلات پیدا کر رہی ہے۔
انہوں نے بتایا کہ 'دہلی میں کسانوں پر لاٹھی چارج کے خلاف یہاں مشعل جلا کر مرکزی حکومت کے خلاف احتجاج کیا گیا۔'
