ریاست کرناٹک کے شہر گلبرگہ میں آیت کریمہ کا ورد اور اجتماعی دعا کے موقع پر مکہ مسجد کے متوالی عبدالکریم پردھان نے ای ٹی وی بھارت سے بات کرتے ہوئے کہا کہ ملک میں سی اے اے، این آر سی کے خلاف افراتفری کا ماحول ہے۔
![مکہ مسجد گلبرگہ کرناٹک](https://etvbharatimages.akamaized.net/etvbharat/prod-images/ka-gul-ayatekarima-pkj02b27204792_27012020185307_2701f_02077_78.jpg)
انہوں نے کہا کہ ملک کا امن و امان غارت ہو کر رہ گیا ہے اور ایسے حالات میں آیات کریمہ کا ورد ہر مسلمان کے لیے ضروری ہے۔ ملک بھر میں مسلمان سمیت دیگر مذاہب کے افراد بھی پریشان ہیں۔ اس لیے شہر گلبرگہ کی کئی مساجد میں نفل روزے اور دیگر وظائف کا اہتمام کیا جا رہا ہے۔
بتا دیں کہ روزانہ بعد نماز عشاء یہاں کے مکہ مسجد میں آیت کریمہ اور اجتماعی دعا کا اہتمام کیا جاتا ہے۔ اس لیے عوام کثیر تعداد میں شرکت کرکے ملک کی امن اور سلامتی کے لیے دعا کر رہے ہیں۔