ریاست کرناٹک کے شہر گلبرگہ کے قریب مسلم چوک میں جلوس محمدی پر پابندی عائد کر نے کے خلاف کرناٹک وقف بورڈ اور ریاستی حکومت کے خلاف مسلم رہنماؤں اور مسلم تنظیموں کی جانب سے احتجاج کیا گیا۔
اس موقع پر ایڈوکیٹ وہاج بابا نے کہا کہ کرناٹک میں بی جے پی حکومت بلا وجہ جلوس محمدی پر پابندی عائد کی ہے۔
وہیں کرناٹک کے میسور میں دسہرہ اور قانون سازکونسل انتخابات بھی چل رہے ہیں۔ مگر جشن عید میلاد النبی کے جلوس پر پابندی کیوں ہے؟
حکومت کی جانب سے مذہبی معاملات میں دخل اندازی کرنے کی کوشش کی جا رہی ہے۔
گلبرگہ میں گزشتہ 44 سال سے امن کے ساتھ جلوس محمدی نکلتا آ رہا ہے۔ اس سال کورونا وائرس کے نام پر جلوس پابند لگانا عاشقان رسول کے جزبے کو ٹھیس پہنچانے کا کام کیا گیا ہے۔
کر ناٹک وقف بورڈ نے علماؤں سے مشورہ کیے بغیر سرکولر جاری کیا ہے۔ اس لئے کرناٹک کے تمام علمائے اور مسلم ذمہ داروں سے میٹنگ کر کے جلوس محمدی نکالنے کا موقع فراہم کر نے کا مطالبہ کیا گیا۔
یہ بھی پڑھیں: گلبرگہ کی انگلاج ماتا مندر کا پاکستان سے کیا رشتہ ہے؟
