Professor Gita Bhushan 'مستقبل میں بھی اسرو اس ضمن میں کامیابی حاصل کرے گا'

پروفیسر گیتا بھوشن نے کہاکہ چندریان تھری کی کامیابی نے خلائی مشن کے لئے مزید راہ ہموار کردی ہے۔ مستقبل میں اسرو اس ضمن میں مزید کامیابی حاصل کر سکتا ہے۔ اس کے لئے تمام تر تیاریاں بھی کی جا رہی ہیں۔

بنگلورو: چندریان تھری کی چاند پر کامیاب لینڈنگ کے بعد بھارت نے اپنی خلائی صلاحیت کا لوہا دنیا کے سامنے منوایا۔ مشن کا اصل امتحان لینڈنگ کے آخری مرحلے سے شروع ہوا۔ لینڈنگ سے 20 منٹ پہلے، اسرو نے آٹومیٹک لینڈنگ سیکوئنس (ALS) شروع کیا۔ اس نے وکرم ایل ایم کو چارج سنبھالنے اور اپنے آن بورڈ کمپیوٹرز اور منطق کا استعمال کرتے ہوئے ایک سازگار جگہ کی نشاندہی کرنے اور چاند کی سطح پر نرم لینڈنگ کرنے کے قابل بنایا۔

چنرر یان 3 کا سفرچاند، سائنسی پے لوڈ اور دلچسپ ترقی

اس سلسلے میں پروفیسر گیتابھوشن نے بتایا کہ چندریان یا قمری مشن کی کامیابی یقیناً تاریخی ہے، جس کا کریڈٹ چندریان 3 مشن کے تمام سائنسدان و ٹیم ممبرز کو جاتا ہے۔ ماہرین کا کہنا ہے کہ مشن کی کامیابی کے لیے آخری 15 سے 20 منٹ انتہائی اہم تھے جب چندریان 3 کا وکرم لینڈر لینڈنگ کے لیے نیچے اترا۔ پورے ملک اور دنیا بھر کے ہندوستانیوں سے چندریان -3 کی کامیاب لینڈنگ کے لیے دعا کی تھی۔

بھارت کے دوسرے قمری مشن کی تاریخ کو دیکھتے ہوئے، جو لینڈنگ سے پہلے آخری 20 منٹ کے دوران ناکام ہو گیا تھا، اس بار اس عمل میں اسرو بہت زیادہ محتاط تھا۔ چاند پر اترنے سے چند منٹ پہلے خلائی جہاز کو زیادہ خطرہ ہونے کی وجہ سے، بہت سے لوگوں میں بے چینی پائی گئی ۔اس دورانیے کو دہشت کے 20 یا 17 منٹ" کہتے ہیں۔ اس مرحلے کے دوران، پورا عمل خود مختار ہو گیا، جہاں وکرم لینڈر نے صحیح وقت پر اپنے انجنوں کو الگ دیا۔