بیرسٹر اسدالدین اویسی نے گلبرگہ میں مختلف وارڈوں کا پیدل دورہ کیا اور لوگوں سے ملاقاتیں کیں۔ انہوں نے مجلس کے امیدوار کو کامیاب بنانے کی عوام سے گزارش کی۔ اپنی پارٹی کی تشہیر کے دوران انہوں نے خطاب میں کہا کہ مجلس اتحاد المسلمین گلبرگہ سٹی کارپوریشن انتخابات میں پہلی بار حصہ لینے جارہی ہے۔ یہاں کی ترقی کے لئے عوام مجلس کے امیدواروں کو کامیاب کریں۔
مزید پڑھیں: مظفرنگر فساد متاثرین میں نئے مکانات کی تقسیم
اس پہلے یہاں کی عوام نے مختلف پارٹیوں کے امیدواروں کو کامیاب کیا ہے لیکن ایسے کئ مسائل ہیں جس کو حل کرنے کے لیے عوام مجلس کو کامیاب بنائیں۔ آنے والے دنوں میں مجلس یہاں کے عوام کے لئے ترقیاتی کام کر کے دکھائے گی۔ گلبر گہ میں مسلم لیڈر شپ کو مضبوط بنانے کے لئے یہاں مجلس کا اقتدار میں آنا بہت ضروری ہے۔ اس لئے میری عوام سے گذارش ہےکہ مجلس کے امیدواروں کو کامیاب بنائیں۔
