بنگلور: کرناٹک میں بی جے پی اور کانگریس کے درمیان ایس سی، ایس ٹی کے ریزرویشن میں اضافے کا کریڈٹ لینے کے لیے جنگ جاری ہے۔ اسی درمیان بی جے پی لیڈران کی جانب سے وزیراعلیٰ بسواراج بومئی کو خط لکھ کر مسلمانوں اور عیسائیوں کو دیئے گئے ریزرویشن میں کمی کا مطالبہ کیا گیا ہے۔ Karnataka Assembly Election
اس سلسلے میں جماعت اسلامی کرناٹک کے صدر ڈاکٹر سعد بیلگامی نے کہا کہ کرناٹک میں او بی سی کو دیئے گئے 4 فیصد ریزرویشن دستور و قانون کے عین مطابق ہے اور کرناٹک کانگریس کے لیڈر بی ایس رفیع اللہ نے کہا کہ بی جے پی حکومت کی جانب سے ریزرویشن کا معاملہ اقتدار حاصل کرنے کے 3 سالوں بعد اب اٹھانا اگلے الیکشن کا ایجنڈا ہے۔ اس سلسلے میں کرناٹک اقلیتی کمیشن کے چیئرمین نے بتایا کہ اقلیتوں کو دیئے گئے ریزرویشن کو ہرگز کم نہیں کیا جاسکتا۔ اروند بیلڈ نے اپنے خط میں وزیر اعلیٰ سے پچھلی کانگریس حکومت کی غلطیوں کو سدھارنے کو کہا تھا۔
