گلبرگہ: دوموٹر سائیکل چور گرفتار

شہر گلبرگہ میں چوری کی واردات مسلسل پیش آرہی ہیں جس کے خلاف ضلعی پولیس نے کارروائی کرتے ہوئے دو چوروں کو گرفتار کیا ہے جن کے قبضے سے 8 لاکھ 50 ہزار روپیے مالیت کی 16 موٹر سائیکلیں برآمد کرکے ضبط کی ہے۔

ریاست کرناٹک کے شہر گلبرگہ میں پولیس نے کارروائی کرتے ہوئے دو موٹر سائیکل چوروں کو گرفتار کیا، گلبرگہ شہر اسٹیشن بازار پولیس تھانہ کے انسپکٹر سدرامیشور گڈید اور کرائم برانچ کے عملہ نے دو موٹر سائیکل چوروں کا سراغ لگاکر گرفتار کر نے میں کامیابی حاصل کی ہے۔

انسپکٹر سدرامیشور گڈید نے کہا کہ شہر میں موٹر سائیکل چوری کی شکایت موصول ہونے کے بعد ضلع پولیس کمشنر کی ہدایت پر شہر میں موٹر سائیکل چوروں کے ایک گروہ کا پتہ لگاکر دو موٹر سائیکل سارقوں کو گرفتار کیا گیا۔

انہوں نے کہا کہ چوروں کے قبضہ سے 8 لاکھ 50 ہزار روپیے مالیت کی 16 موٹر سائیکل برآمد کر کے ضبط کی گئی، گرفتار شدہ ملزمین کی شناخت ملیکارجن عرف ملوولد بسواراج کوری 21 سالہ اور پرساد ولد شیوکمار 22 سالہ کے طور پر ہوئی ہے جب کہ تیسرا چور مینا اپا پجاری 24 سالہ ساکن گج کالونی گلبرگہ فرار ہونے میں کامیاب ہوگیا جس کی پولیس تلاش کر رہی ہے۔